Ihr Leit, in de Palz macht mer ah Mussik. Klar, uf de Woifeschde geht halt nix uhne e gscheidih musikalischih Begleidung.

Wer des mol erlähwe will muss uf jeden Fall mol uf in Gig vun „Fine R.I.P.“ – ehrlich, die sin schun seit mehr als 20 Johr aktiv.

Die Kawwer-Versione vun echte Rock-Klassiker henn die Buwe richdich gut druff. 

Do känne ner mol in des guhde Stick noihehre.

Die nei CD vun de Kult-Palz-Rocker Fine R.I.P.

Awwer mer darf naddierlich net die inoffiziell Hymne der Palz vergesse:

Die Anonyme Giddarischde machen des gonze net so hart. Anplackt sozusahge. Un mit ähgene Lieder. Jeder Pälzer kennts „Lewwerworscht-Lied“.

Un naddierlich gibt´s ah e Pälzer-Version vum „Wellerman“. 

Es gibt noch so viel Palz-Mussik, des sprengt do jetzt ähfach de Rahme. Wonn awwer Änner noch e Videosche hot, des do noi kehrt, ähfach melde.