Ich hehr noch die Sprich vun moinere beschde Freundin „Manu“ (uf moi Frah hehr ich jo grundsätzlich net…)  „Fer Dich wärrts Zeit, dasst Dich e bissel bewehgscht… Mir hen do e Wonnergrupp un gehen regelmäßich in de Wald. Die Leit kennener all, un des is e richtich glohri Grupp“.

Ich kärz des jetzt ab: Noch „Johre“ hawwich ich e eigenes „Komoot-Profil“ und bin jetzt ah schun mehr gewonnert wie die erwähnt Wonnergrupp… zumindescht in de letschte 2 Johr. Awwer nohch Corona änner mer des.

Moi Mahkezeiche: des oronschene Dubbeglas 🙂